|
| లోపలి పేజిల్లో... |
|
|
చిరు 150వ చిత్రం?
సినిమా ప్రతినిధి | టైమ్స్ అఫ్ ఆంధ్రా
చిరంజీవికి టెన్షన్ పెంచే అంశాలు చకచకా సాగిపోతున్నయ్. శంకర్ దాదా జిందాబాద్ సినిమా నిర్మాణం తీరుపైనే అసంతృప్తి వ్యక్తం చేసిన చిరంజీవి సినిమా విడుదల తరువాత కూడా కలెక్షన్స్ విషయంలో అసంతృప్తితో ఉన్నట్టు వార్తలు వస్తున్న తెలిసిందే.
అందుకే తదుపరి నటించే చిత్రాన్ని అంచనాలకు తగ్గట్టుగా నిర్మించాలని, ఆ సినిమా కెరీర్ లో 150వ చిత్రం కూడా కానున్నందున ప్రత్యేక శ్రద్ధతో నిర్మించాలనే కృతనిశ్చయంతో చిరు ఉన్నట్టు ఫిల్మ్ నగర్ వాసులు అనుకుంటున్నారు. ఆ చిత్రం చిరంజీవి చిరకాల వాంఛ కూడా అయిన ఉయ్యాలవాడ నరసింహ్మారెడ్డి చిత్రమే ఆ 150వ చిత్రం కూడా అని అనుకుంటున్నారు. అందుకే ఆ చిత్రానికి స్వయంగా దర్శకత్వం కూడా వహించాలని ఆయన అనుకుంటున్నట్టు తెలుస్తోంది.
అయితే స్వయంగా దర్శకత్వం వహించడం కంటే సామాజిక చిత్రాలను అద్భుతంగా డీల్ చేసే వివి వినాయక్ ను దర్శకుడిగా పెట్టుకుంటే బాగుంటుందనే ఆలోచన కూడా చిరుకు ఉన్నట్టు తెలుస్తోంది. ఇప్పటికే ఈ చిత్రానికి సంబంధించిన స్క్రిప్ట్ ను పరుచూరి బ్రదర్స్ సిద్ధం చేస్తున్నట్టు తెలుస్తోంది.
|
|
గ్రేట్ ఇండియాకు చిరుత
సినిమా ప్రతినిధి | టైమ్స్ అఫ్ ఆంధ్రా
మెగాస్టార్ చిరంజీవి తనయుడు రామ్ చరణ్ తేజ్ తెరంగేట్రం చేస్తున్న చిత్రం చిరుత. పోకిరి, దేశముదురు లాంటి బ్లాక్ బస్టర్ సినిమాలకు దర్శకత్వం వహించిన పూరి జగన్నాథ్ తరువాత దర్శకత్వం వహిస్తున్న చిత్రం చిరుత. తెలుగు చిత్ర నిర్మాణంలో 25 ఏళ్ల సుదీర్ఘ అనుభవం ఉన్న సి అశ్వినిదత్ చిరుత సినిమాను నిర్మిస్తున్నారు. భారీ అంచనాలతో రూపొందుతున్న ఈ చిత్రం విదేశీ హక్కులను గ్రేట్ ఇండియా ఫిల్మ్స్ పొందింది. విదేశాలలో చిరుత ఎగ్జిబిషన్, డివిడి మార్కెటింగ్ హక్కులను పొందింది.
|
|
|
|
|
